आमिर खानले मागे माफी, किन फ्लप भयो ‘ठग्स अफ हिन्दुस्तान’ ?

0
59

आमिर खानले चलचित्र ठग्स अफ हिन्दुस्तान फ्लप भएपछि पहिलो पटक प्रतिक्रिया जनाएका छन् । आमिर खानले सोमबार सञ्चारमाध्यमसँग कुरा गर्दै भने, ठग्स अफ हिन्दुस्तान दर्शकलाई मन परेन । म यो कुराको पूर्ण जिम्मेवारी लिन्छु । हामी गलत साबित भयौं । हामीले पूरा कोसिस गरेका हौं । कतै न कतै हामी गलत साबित भयौं ।’

यद्यपी, कतिलाई ठग्स अफ हिन्दुस्तान मन पनि परेको थियो । आमिरले ती मानिसहरुलाई धन्यवाद दिँदै भने, ‘कतिलाई फिल्म मन परेको पनि छ उनीहरुलाई हामी धन्यवाद दिन्छौं । दर्शकले केही आशा लिएर मेरो फिल्म हेर्न आएका थिए । म ती दर्शकहरुसँग माफी माग्छु कि मैले उनीहरुलाई मनोरञ्जन दिलाउन सकिनँ ।’

बक्स अफिसमा ठग्स अफ हिन्दुस्तान

अमिताभ बच्चन, कट्रिना कैफ र आमिर खानको चलचित्र ‘ठग्स अफ हिन्दुस्तान’ गएको नोभेम्बर ८ मा रिलिज भएको थियो । रिलिजपूर्व निकै चर्चामा रहेको चलचित्रको पहिलो दिनको कमाईले रेकर्ड बनायो ।

चलचित्रको पहिलो दिनको कूल कमाई २५ करोड भारु थियो । चलचित्रले पहिलो हप्तामा एक सय ३४ करोड भारु कमायो । दोस्रो हप्ता फिल्मको कमाई बढेर एक सय ४९ करोड भारुसम्म पुगेको थियो ।

आमिरको रेकर्ड

सिक्रेट सुपरस्टार : २०१७ मा आएको यस चलचित्रमा जायरा वसीम मुख्य भूमिकामा थिए । जसमा आमिर खान सहकलाकार थिए । बिहीबार रिलिज भएको यो चलचित्रको पहिलो दिनको कमाई ४.८० करोड भारतीय रुपैयाँ थियो । दोस्रो दिन यही फिल्मको कमाई ९.३० करोड भारतीय रुपैयाँ थियो ।

दंगल : २०१६ मा चार हजार स्क्रिनमा रिलिज भएको चलचित्र दंगलको पहिलो दिनको कमाई २९ करोड भारतीय रुपैयाँ रहेको थियो ।

पीके : २०१४ मा रिलिज भएको यो चलचित्रको पहिलो दिनको कमाई २६ करोड भारतीय रुपैयाँ भएको थियो ।

धूम ३ : धूम सिरिजको तेस्रो चलचित्र २०१३ मा रिलिज भएको थियो । चलचित्रको पहिलो दिनको कमाई ३६ करोड भारतीय रुपैयाँ रहेको थियो ।

तलाश : सन् २०१२ मा रिलिज भएको यो चलचित्रको पहिलो दिनको कमाई करिब १३ करोड भारतीय रुपैयाँ रहेको थियो ।

एक उत्तर छोड्न