‘अपहरण’ मा परेको डिजेल ट्ंयाकरलाई सशस्त्रले यो अवस्थामा फेला पार्यो (तस्बिरहरुसहित)

0
66

जनकपुरधाम । सिरहाको लहानबाट अपहरणमा परेको भनिएको नेपाल आयल निगमको ट्याङ्कर धनुषामा फेला परेको छ ।

मंगलबार साँझदेखि हराएको ट्यांकर धनुषाको क्षिरेश्वरनाथ नगरपालिका-१ स्थित रमदैयामा फेला परेको हो । सो ट्यांकर रित्तो अवस्थामा फेला परेको प्रहरीले जानकारी दिएको छ ।

निगमको इन्धन डिपो अमलेखगञ्जबाट यही मङ्सिर १ गते अपराह्न २ बजे २० हजार डिजल लोड गरेर १ नं प्रादेशिक कार्यालय विराटनगर प्रस्थान गरेको ना४ख ४१६३ नम्बरको ट्याङ्कर सोही दिन राति सिरहाबाट बेपत्ता भएको थियो । सिरहाको लहानस्थित पूर्वपश्चिम राजमार्गअन्तर्गत हुलाक कार्यालय अगाडि पार्किङ गरी विश्राम गरेको अवस्थामा मध्यरातमा अन्दाजी आठ जनाको समूहले चालक र सहचालकको आँखामा पट्टी लगाई बर्दिबास र लालबन्दीको बीचको जङ्गलमा छाडेका थिए ।

एक उत्तर छोड्न