पश्चिम वायुको प्रभावले काठमाडौंलगायतका स्थानमा वर्षा

0
54

पश्चिम वायुको प्रभावले काठमाडौंलगायतका स्थानमा वर्षा

मौसम पूर्वानुमान महाशाखाकी मौसमविद् शान्ति कँडेलले पश्चिमी वायुका कारण काठमाडौंसहित देशका विभिन्न भागहरुमा सोमबार बिहान वर्षा भएको जानकारी दिइन् । कँडेलका अनुसार, यो वायुको प्रभावले सोमबार दिनभर हल्का वर्षा हुने सम्भावना छ । बेलुकाबाट भने यसमा सुधार आउने उनको अनुमान छ ।

‘पश्चिमी वायुको प्रभावले सोमबार बिहान हल्का वर्षा भएको छ’, कँडेलले अनलाइनखबरसँग भनिन्, ‘दिउँसोभर अवस्था यस्तै रहे पनि बेलुकाबाट यसमा सुधार आउने छ ।’

महाशाखाका अनुसार, उच्च पहाडी तथा हिमाली भूभागहरुमा भने हल्कादेखि मध्यम खालको हिमपात हुने सम्भावना छ ।

एक उत्तर छोड्न